Gensanportal - Mindanao News Blog

  • Create an account
    *
    *
    *
    *
    *
    Fields marked with an asterisk (*) are required.
You are here: Home News Blog General Santos News Blog Lihok-protesta alang sa hustisya sa mga biktima sa Maguindanao Massacre ug tanang biktima sa pampolitikang pagpamatay gilunsad sa BAYAN!

Lihok-protesta alang sa hustisya sa mga biktima sa Maguindanao Massacre ug tanang biktima sa pampolitikang pagpamatay gilunsad sa BAYAN!

E-mail Print PDF

General Santos City - Usa ka dakong lihok-protesta ang gilunsad sa BAYAN-SOCSKSARGEN alang sa pagpangita ug hustisya sa mga biktima sa Maguindanao Massacre ug tanang biktima sa pampolitikang pagpamatay ilalom sa rehimeng US-Arroyo ganinang ala una sa hapon nga naggikan sa atbang sa KCC mall padulong sa General Santos City Public Market.


“Hugot nga gikondena sa BAYAN ang walay kaluoy nga pagmasaker nga nikabat sa 57 ka tao patay apil na ang kababainhan, abogado ug mga mamamahayag niadtong Nobyembre 23 sa Sitio Masalay, Brgy Salman, Ampatuan, Maguindanao”, sumala ni Ryan Lariba secretary general sa BAYAN-SOCSKSARGEN.

 

Dili lamang matud pa sa pag-aresto sa mga direktang responsable sa pagmasaker makab-ot ang hustisya alang sa mga biktima ug pamilya niini apan angay usab ipunting ngadto sa kadunot sa katilingbanong sistema nga gipasamot pa sa rehimeng Arroyo. Angay singilon ang gobyernong Arroyo, PNP ug AFP sa pag amoma niini sa mga warlords sa nasud sama sa mga Ampatuan.

“Si GMA ang nag-unang warlord sa nasud gipatuman niini ang Oplan Bantay Laya usa ka counter-insurgency program sa rehimeng US-Arroyo gamit ang militar ug kapulisan nga nisangpot ngadto sa libohan ka mga biktima sa pampolitikang pagpamatay. Nakapunting usab ang maong programa sa mga kritikal nga indibidwal ug mga lider aktibista. Kaylap nga pagpanglapas sa tawhanong katungod sa kanunayng militarisasyon sa kabanikanhan. Ilalom sa rehimeng US-Arroyo nikabat sa 1,115 ang biktima sa pampolitikang pagpamatay apil na niini si Eliezer “boy” Billanes sa Koronadal City ug gani, wala pa man nahitabo ang Maguindanao Massacre nikabat na sa 68 ka mga membro sa media ang biktima sa pagpamatay” dugang pa ni Lariba.

Gipangusgan sa BAYAN nga angay bungkagon ang mga mga paramilitar nga direktang gipondohan sa gobyernong Arroyo nga maoy tigpanalipod ug nagpalig-on sa gahum sa mga ma-impluwensyang mga politiko sa nasud.

“Kahinumduman nga niadtong tuig 2006 nagpakanaog ug Executive Order 546 si GMA nga naglegalisa sa mga private army sa mga ma-impluwensyang politiko ug  nagtugot sa pagmugna ug mga paramilitar sama sa Civilian Volunteer Organizations o CVO aron mamahimong katabang matud pa sa lokal nga panggamhanan kontra insurhensya. Sa susamang tuiga usab nikaylap ug nisaka ang record sa pagpamusil-patay sa mga aktibista ug bisan mga taong simbahan, abogado ug mamamahayag nga kritiko sa administrasyon”, dugang niini.

Si GMA sumala pa ang nag-unang nagpromote sa “Culture of Violence” sa nasud bisan gani atol sa iyang SONA o State of the Nation Address gipasigarbo pa niini ang mga nahimo ni Gen. Jovito Palparan nga giilang “berdugo” ug tigpamatay sa mga aktibista.
“Nag-awhag ang BAYAN sa mga abogado, mamamahayag, taong simbahan mag-uuma, trabahante, estudyante ug uban pang sektor nga moduyog sa maong protesta aron irehistro ang hini-usang tingug sa katawhan sa SOCSKSARGEN sa pagpangita ug hustisya sa mga biktima sa maong masaker ug pampolitikang pagpamatay”, pagpanapos ni Lariba.
Kapin 500 ka mga ralyista ang nitambong sa maong aktibidad nga naggikan pa sa Sarangani Province, Polomolok, South Cotabato, Koronadal City ug General Santos. Natapos ang maong protesta bandang ala singko sa hapon.

 

Last Updated ( Monday, 30 November 2009 14:41 )